കൂട്ടുകുടുംബ സമ്പ്രദായം ഇന്നും നിലനിൽക്കുന്ന വിഭാഗമാണ് കുറിച്യർ, കുന്നിൻ താഴ്‌വരകളിലോ വയൽക്കരയിലോ ആയിരിക്കും ഇവരുടെ വീടുകൾ. വീടുകൾ ചേരുന്ന സ്ഥലത്തിന് 'മിറ്റം എന്നാണ് പറയുക. ഓരോ വീട്ടിലും ഒന്നിലധികം കുടുംബങ്ങൾ ഉണ്ടാകും. തല മുതിർന്ന കാരണവർ 'പിട്ടനെ' ന്നും ഭാര്യ ' പിട്ടത്തി ' എന്നും അറിയപ്പെടുന്നു.

അഞ്ചോ പത്തോ വീടുകൾ ചേരുന്ന കോളനികൾ ആയിട്ടാണ് പണിയവിഭാഗം പരമ്പരാഗതമായി താമസിക്കുന്നത്. ഒന്നിച്ച് താമസിക്കുന്ന ഇടം ഒരു മൂപ്പന്റെ കീഴിലായിരിക്കും. ജൻമികൾക്ക് കീഴിൽ ജോലി ചെയ്തിരുന്ന കാലത്ത് മൂപ്പൻ ചെമ്മി എന്നറിയപെട്ടിരുന്നു. ചെമ്മിക്ക് അധികാര ചിഹ്നമായി പിച്ചള നിർമ്മിതമായ വള നൽകിയിരുന്നു.