കോഴിക്കോട്ടു നിന്ന് വരികയായിരുന്ന ഒരു ബ്രിട്ടീഷ് സേനാനായകന് വയനാട്ടിലേക്കുള്ള വഴി കാണിച്ചു കൊടുത്തത് കരിന്തണ്ടനെന്ന പണിയ ഗോത്ര നായകനായിരുന്നു. വയനാട്ടിലേക്കുള്ള വഴി കണ്ടുപിടിച്ചത് താനാണെന്ന് സ്ഥാപിക്കാൻ വഴികാട്ടിയ കരിന്തണ്ടനെ ബ്രിട്ടീഷുകാരൻ വധിച്ചു. ചതിച്ചു കൊല്ലപ്പെട്ട കരിന്തണ്ടന്റെ പ്രേതം വഴിപോക്കരെ ശല്യപ്പെടുത്തിക്കൊണ്ടിരുന്നു. ഒടുവിൽ ദേശവാസികൾ ആ ആത്മാവിനെ ലക്കിടിയിൽ വൃക്ഷത്തിൽ ഇരുമ്പു ചങ്ങലയാൽ ബന്ധിച്ചു. ഈ വൃക്ഷത്തറയിൽ സമുദായങ്ങൾ ഗോത്ര നായകന് വാർഷിക പൂജ നടത്തുന്നു.